NAGA CITY– Nagpapadagos ngunian an mararumang imbestigasyon kan mga otoridad sa pangbabadil-gadan sa assistant provincial prosecutor kan Quezon Sa barangay Tongohin, Infanta, Quezon.
Binisto an biktima na si Atty. Reymund Fernandez Luna, assistant provincial prosecutor kan Regional Trial Court Branch 65 na nakabase sa nasambitan ng banwaan.
Sa entrevista kan Bombo Radyo Naga ki PC/Insp. Mark Amat, Chief of Police (COP) kan Infanta-PNP, sinaysay kaini na bigla na sanang pinagbabadil kan riding in tandem suspeks an biktima kunsaen nagsapo ini nin limang tama sa payo asin manlaen laen na parte kan lawas.
Huli sa matinding tama , tulos na binawian nin buhay an nasambitan ng biktima.
Sigon ki Amat, kadakol an kasong may koneksyon sa iligal na droga na pigkakaputan si Luna na saro sa pighihiling nindang anggulo sa nasambitan ng krimen.
Sa ngunian, pinaghahanap naman kan mga otoridad an mga suspek na responsable sa nasambitan ng panggagadan.
