Nagpaluwas nin manlen-laen na reasksyon an world leaders asin international aid agencies sa kasunduan para sa ceasfire sa pag-ultanan kan Israel asin Hamas sa Gaza.
Sinabi ni Spanish PM Pedro Sanchez na an ceasefire deal importante para sa regional stability asin sarong kinakaipuhan na lakdang pasiring sa pagkamit nin duwang state solution.
Pinasalamatan man kaini an Qatar, Egypt, asin an US na nagserbing mga mediators tanganing mangyari an ceasefire.
Susog ki Belgian Prime Minister Alexander de Croo, an Belgium andam na magtabang asin naglalaom na ini an kapinunan nin dagos dagos na katoninongan.
An Presidente kan European Commission na si Ursula von der Leyen nagsabi na an kasunduan nagtatao nin paglaom sa bilog na rehiyon asin pig inkaminar an parehas na lado para sa ganap na pagtalima sa ceasefire.
Inapod kan Primer Ministro kan Australia na si Anthony Albanese an kasunduan na konstruktibo para sa estabilidad kan rehiyon asin naglalaom na ini matao nin oportunidad sa mga tawong Palestinian na magbangon liwat, pakarhayaon an saindang gobyerno asin ibusol an self determination.
Sa sarong entrevista, sinabi ni United Nations Secretary-General Antonio Guterres na andam an UN na suportaran an kasunduan asin pahewson an padagos na humanitarian relief sa mga Palestinian na padagos na nagtitios huli sa danyos na dara kan gera.
Ipinahayag kan Turkish Foreign Minister Hakan Fidan na an kasunduan sa untok putakn sarong importanteng lakdang para sa estabilidad kan rehiyon.
Komo resulta, magpapadagosan soboot an mga paghihinguha kan Turkey para sa 2 estate solution sa iriwal sa pag-ultanan kan Israel asin Palestina.
Sa lado kan Qatar, saro sa mga mediator sa kasunduan sa ceasefire, si PM Sheikh Mohammed bin Abdulrahman Al Thani nanngapudan sa mag-ibong na lado na mamantenir an seguridad sa Gaza Strip poon ngonyan hasta na an kasunduan magin epektibo sa masunod na semana.
Pigtawan duon kan Presidente kan Egypt na si Abdel Fattah el-Sisi an importansya kan marikas na paghatod nin humanitarian aid sa Gaza.
Si Mohammad Bagher Ghalibaf, an tagapamayo kan parlamento kan Iran, pighurot na an inaapod kaining “criminal regime” dapat na padusahan asin na an mga epekto na dara kan gera sa banwaan nin Palestina dapat na marahay.
An United Arab Emirates Foreign Minister Sheikh Abdullah bin Zayed bin Sultan Al Nahyan nagturo kan importansya kan pagsunod kan Israel asin Hamas sa saindang mga promisa na tapuson an pagsakit kan mga preso na Palestinian asin mga hostages na Israeli.
