Nagpatanid an Nomura Global Research na mas matinding epekto sa ekonomiya kan Pilipinas an bagong ipinataw na 19% U.S import tariff, kumparar sa Indonesia sa ibong kan parehong lebel kan buwis na ipinauton sa duwang nasyon.
Sigun sa report kan Japanese investment bank, pwedeng magbaba nin 0.4 percentage point (ppt) an gross domestic product (GDP) growth kan Pilipinas sa 2025 huli sa tariff-doble kan piglalaomang epekto sa Indonesia na 0.2 ppt sana.
Pig-apod kan Nomura an epekto sa Pilipinas ma “substantial”, orog na ta an baseline GDP forecast kan nasyon an nasa 5.3% na mas hababa kaysa sa target kan administrasyong Marcos na 5.5 hasta 6.5%.
Pig-ako kan Nomura na enot nindang pighuna na ibaba sa 10% an buwis sa Philippine exports, sa paglaom na kasurog an Pilipinas kan Amerika asin bakong transit point kan transshipment.
Alagad kan matapos an bilatertal meeting ninda Presidente Ferdinand Marcos Jr. asin U.S. President Donald Trump, nagtinir na halangkaw sa 19% an buwis, mas halangkaw pa sa “Liberation Day” level ma 17%.Kasunod kan pagbisita sa Washington, pig-anunsyar man ni Marcos na hahalion kan Pilipinas an tariffs sa US automobiles asin ma-angkat nin mas kadakol ma US soybeans, wheat, asin pharmaceutical products.
Sa suhay na analysis, sinaysay ni Gareth Leather na Capital Economics sa UK na dae bastante an diplomatic strength tanganing maimpluwensiyaham an mga kasunduamg pigpataw ni Trump.
Alagad maski mas dakula an pigkakarkulong GDP loss kan Pilipinas, pigtawan-duon kan Nomura na an Indonesia man an posibleng maapektuhan sa paagi kan paglangkaw kan importasyon kan US goods, na pwedeng makagabt sa saindang economic growth asin twin deficits.
