Laoman sa mga masunod na bulan an mas kadakol pang control measure na ipapatindog kan Department of Agriculture tanganing mapugolan pa orog an agricultureal smuggling sa nasyon.
Sigun ki Agriculture Undersecretary for Livestock Deogracias Victor Savellano, ini an kasabay kan plano kan DA na pagtatag kan mga border control facilities a mga pangenot na port of entry sa nasyon.
An mga nasambitan ng pantalan an pighahaditan na piggamit tanganing maipuslit an smuggled agri products.
Marurumdoman na ipinatindog kan gobyerno an Cold Examination Facility in Agriculture (CEFA) sa Angat, Bulacan na piglalaomang harani na mbukasan.
An masambitan ng pasilidad an piglalaomang magsasagibo nin mahigot na inspection sa mga imported containerized agri-fishery commodities.
Sigun ki Savellano, kaparehas man na pasilidad an nakatalaang ipatindog sa Manila International Container Port (MICP), sa Subic Bay, Cebu, asin Davao.
Sa laog kan anom na bua, piglalaoman na soboot an isasagibong bidding para sa costruction o pagpapatindog sa mga ini.
Sa paagi kan mga nasambitan ng pasilidad, sinaysay ni Savellano na magigin mas epektibo an pag-screen sa mga naglalaog na agricultural product sa bilog na nasyo
