Nagkuriyat na an mas kadakol na pwersa kan Philippine National Police (PNP) gikan sa Southern Police District sa laog asin luwas kan Parañaque Integrated Terminal Exchange (PITX) kasunod ini kan pagdagsa kan mas kadakol na mga pasahero ngunyan na Semana Santa.
Paglaog pa sana kan mga pasahero ay masusing ininspeksyon an mga bagahe sa paagi kan manual inspection asin metal scanner.
Magpuon man Abril 9 hasta kan nakalihis na aldaw nin Dominggo, nagpakol na sa 177 an kabilogang numero nin mga nakumpiskar na ipinagbabawal na gamit, pinakadakol iyo an lighter, sumunod an kutsilyo asin man iba pang matatarom na bagay.
Pagirumdom kan PITX sa mga pasahero na dae na magdara pa kan mga siring na ipinagbabawal na gamit, apwera kaya sa lighter, kutsillo asin gunting ay mahigot na ipinagbabawal man an pagdadara nin dawa na anong flammable na gamit pati LPG tank.
Apwera sa mga nakumpiskar na gamit ay mayo pa man nin naiireport na dawa na anong untoward incident sa laog kan terminal.
Dagos-dagos man an paglilibot kan PNP kaiba an mga security personnel kan PITX tangani magtao nin pagirumdom sa mga pasahero na ingatan an saindang mga dara-darang gamit.
Nagtalaga man nin mga help desk an pamayuhan kan PITX na pwedeng ranihan kan mga pasahero na manunutaran sa kada gates kan terminal.
