Pigsierto kan Department of Trade and Industry (DTI) na dae magkakaigwa nin paglangkaw sa presyo kan mga basic commodities sagkod sa Abril 30, kasunod kan pagtiripon kaini sa mga manufacturers kan Abril 6.
Segun kay DTI Secretary Ma. Cristina Roque, dae na kaipuhan mag-panic buy an publiko huli ta magkakaigwa nin supisyenteng supply nin mga produkto sa mga masunod na semana.
Sakop kan kasunduan an mga produktong may suggested retail prices (SRP) arog kan de-latang sardinas, gatas, tinapay, kape, instant noodles, bottled water, laundry soap, kandila, asin, canned meat, condiments, asin toilet soap.
Sinasabing padagos na pigbabantayan kan DTI an mga merkado tanganing maseguro na igwa nin supisyenteng supply asin mantenidong abot-kayang presyo kan mga barakalon.
