NAGA CITY – Pigheras kan Market Enterprise and Promotion’s Office (MEPO) an saindang mga nagin akomplisyemento mapadapit sa mga nakalihis na taon antes an selebrasyon kan Ika-14th anibersayo kan Naga City People’s Mall (NCPM).
Sa entrevista kan Bombo Radyo Naga ki Ramon Florendo, Administrator kan MEPO, sinaysay kaini igwa soboot pagbabago an ipinautob sa merkado publiko kan siyudad nin Naga orog na ta bistado ini dati komo pugad kan mga naggigibo nin krimen.
Sigun ki Florendo, kinaipuhan an mga lakdang asin proyekto tanganing magin marhay an ekonomiya kan Naga City.
Katakod digde, an susi soboot kan nasambitan ng akomplisyemento iyo an tiwala na naibalik asin maray na relasyon kan MEPO asin kan lokal na gobyerno.
Dugang pa ni Florendo, sa presente igwang mga nakatakod ngunyan na 25 CCTV sa laog kan merkado tanganing maproteheran an publiko sa mga mawot na magsagibo nin maraot.
Marurumduman, an merkado pigpuonan kan taon 1966 asin ini an pinakadakulang single roof wet market sa bilog na nasyon hasta sa presente.
Sa ngunyan, pigsierto na sana kan opisyal na dagos-dagos an saindang pagpapautob kan mga magagayon na programa tanganing magpadagos man an progreso kan merkado publiko na igwang dakulang ambag sa lokal na ekonomiya kan siyudad
