Nagselebrar an mga football supporters sa England kan ma-ikatolong pwesto an saindang nasyonal na koponan sa 2026 FIFA World Cup.
Dawa nagkaigwa nin kadikit na pagkadisganar sa dai pag-abot sa final, ini pigkonsiderar na sarong mayor na kapangganahan para sa nasyon.
Sa intrevista kan Bombo Radyo Naga kay Paul Ledesma (Bombo International News Correspondent in England, sinabi kaini na an ikaduwang pinakamarahay na kampanya kan England sa historya kan FIFA World Cup pagkatapos kan saindang kampeonato kan 1966.
Segon ki Ledesma, nagtatao nin paglaom an joven na team kan England kaibanan si Harry Kane asin Jude Bellingham na mas magigin preparado asin mas makusog an mga ini sa masunod na World Cup.
Pigtawan duon man kainit an hararo na kultura nin football sa England, kun saen an mga atleta nagpopoon kan saindang pagsasanay sa mga eskwelahan asin akademya nin football. Nakakatabang man suboot an sports na maka-enkaminar sa lokal na komunidad kan mga Pilipino.
Nanindugan si Ledesma na dapat magtinir na suway sa pulitika an sports asin an sportsmanship an dapat mangibabaw sa lambang laban. Dugang pa kaini na an football nagtitinir na simbolo nin pagkasararo asin paggalang sa manlaen-laen na nasyon.
