Nagluwas an National Home Mortgage Finance Corporation (NHMFC) asin an Social Housing Finance Corporation (SHFC), na parehong nasa irarom kan Department of Human Settlements and Urban Development, nin sarong bulang moratorium sa mga pagbabayad para sa housing amortization para sa mga naapektaran kan kansuarin sanang mga bagyo asin linog sa Cebu.
Sinaysay kan NHMFC na igwang labi sa 800 housing loan borrowers.
Sakop kan moratorium an mga lugar na nasa irarom kan state of calamity sa Mimaropa, Bicol Region, Western Visayas, asin Central Visayas.
An panahon kan moratorium an gikan Oktubre 3 hasta sa Nobyembre 2, sinaysay kan NHMFC sa sarong post sa Facebook.
Siringman, an SHFC, na target an mga pamilyang hababa an kita, nagluwas nin moratorium na sumasaklaw sa mga nasa Mimaropa, Bicol Region, asin Western Visayas. Prayoridad ninda iyo an ikakamaray kan kumunidad.
Sa paagi kan monthly amortization payments, nagtatao sinda nin pagkakataon na magtindog an mga biktima sa sadiring mga bitis na mayo nin dugang na ano man na pressure sa financial obligations, sigun pa ki SHFC President asin CEO Federico Laxa.
Sigun sa National Disaster Risk Reduction and Management Council, labi sa 20,000 kaharungan sa Mimaropa, Bicol Region, asin Western Visayas an labi na naraot huli sa tropical cyclone na Mirasol, Nando, asin Opong.
Mientrastanto, may kabilugang 5,013 harong an naraot sa Central Visayas —4,355 an partially asin 658 an totally damaged.
