Nagin emosyonal an mga kaparientes, amigo asin mga miyembro kan ONE Direction sa lubong kan saindang amigo na si Liam Payne.
Pigsagibo an private service sa Amersham sa Buckinghamshire, north-west kan London.
Nagkapira sa mga nag-atender an mga dating kaibahan kaini sa grupo na sinda Harry Styles, Louis Tomlinson, Niall Horan asin Zayn Malik.
Kaibahan na nag-atender an nobya ni Payne na si Kate Cassidy asin dating partner kaini na si Cheryl kun saen igwa sindang aki.
Nag-abot an kabaong ni Payne sa simbahan lunad an sarong kalesa na pano nin mga burak.
Kadakol na mga fans man an nag-abang sa tinampo tanganing mahiling sa huring pagkakataon an saindang pig-iidolo.
Marurumduman, binawian nin buhay si Payne kan Oktubre 16 kun saen nahulog ini sa ikatolong palapag kan hotel na saiyang pig-iistaran sa Buenos Aires, Argentina.
