Ginibo ni Bise Presidente Sara Duterte mantang nagseserbisyo bilang Secretary kan Department of Education (DepEd) pwede pang magin basehan para sa impeachment.
Segun ki Manila Rep. Bienvenido Abante, dae pwedeng suwayon an responsibilidad ni Duterte bilang bise presidente dawa ngani ginibo niya an nasabing lakdang kan siya nagseserbi bilang Education secretary.
Kabale sa impeachment case an mga alegasyon may relasyon sa paggamit kan confidential funds kan Office of the Vice President (OVP) asin DepEd kan sabay na nagkapot si Duterte sa duwang pwesto.
Nanindugan si Abante na dae automatic na ligtas sa impeachment scrutiny an ginibo ni Duterte bilang Education secretary huli ta siya bise presidente pa kan panahon na idto.
An isyu pinag-oolayan mantang an panel kan prosekusyon kan Kamara pig-iisip kun baga ibaba an nagkapirang alegasyon tanganing maparikas an mga prosisyon sa pag-impeach.
Mientrastanto, padagos man an pagsiyasat kan mga mambabatas sa mga iregularidad na ibinareta kan mga state auditor sa paggamit asin liquidation kan confidential funds kan OVP asin DepEd.
