NAGA CITY- Padagos an pangapudan kan mga eksperto sa salud na maglikay ngunyan na naeeksperyensiyahan naman an labing init kan panahon.
Katakod kaini, liwat na inabisuhan kan Municipal Nutrition Action Office kan Lupi Camarines Sur orog na an mga kaakian na dae magbalad sa aldaw asin mag-inom nin bastanteng tubig.
Sigun ki Municipal Nutrition Action Officer Rex Chavez, bakong sanang mga gurang an prone sa heat stroke kundi magin an mga kaakian.
Apwera digde, padagos-dagos man na pig-abisuhan an publiko na magsulot nin mga mapre-preskong bado.
Para man sa mga igwang omboy, mantiniron na mapresko an palibot tanganing makalikay sa mga helang asin iritasyon na pwedeng magresulta sa pagkalugad kan sarong indibidwal.
Mientrastanto, nagpakol sa 39°C an forecast heat index kan State Weather Agency sa probinsiya nin Camarines Sur kun saen sa saindang kategorya, nasa irarom ini kan extreme caution na kun saen posible an heath cramps, heat exhaustion asin heat stroke.
