NAGA CITY- Nagbulos an mga jovenes na mawot samantalahon an opisyal na pagpuon kan voter’s registration puon ngunyan na aldaw na madurar hasta sa August 10 sa banwaan nin Goa, Camarines Sur.
Sigun ki Dionisio Miguel, Election Officer kan Comelec Goa, sa enot na aldaw hasta sa huring aldaw kan voter’s registration open sa gabos na barangay sa saindang banwaan an registration alagad puon sa aga igwa na soboot naka-assigned na Barangay tanganing gabos an maakomodar asin malikayan an halabang pila.
Katakod digde, liwat na pinagrimduman kan opisyal an mga maparehistro na kaipuhan darahon an saindang kopya kan Original Birth Certifcate, National ID o anuman na government issued ID.
Piglinaw man kan opisyal na dae na sinda nag-aako kan Barangay Certificate susog naman sa nagin kasuguan kan main office.
Mientrastanto, pigtawan duon pa ni Miguel na kun ano an address na pigpresentar sa ID duman kaipuhan na magparehistro o magboto an sarong indibidwal.
Apwera man sa registration aakuon kan Comelec Goa an minasunod na aplikasyon: Change of Name and Status, Correction of Entries, Reactivation of Registration Records, Inclusion of Registration Records and Reinstatement of Name in the List of Voters, Updating of Records of PWD, Senior Citizen, and members of IP and ICC, Transfer from Overseas to Local Only.
