NAGA CITY – Pinangaranan an Bicol Region komo saro sa tolong Rehiyon sa bilog na nasyon komo benipisyaryo kan fishery management program na pigdesinyo tanganing masimbagan an nagbababa na stocks kan sardinas sa saindang fishing grounds.
An National Sardine Management Plan (NSMP) naghanap nin tolong rehiyon komo Fishery Management Area 7 (FMA-7) na obhetong pamarhayon an pig-aapod na science-based indicators para sa pagsustenar kan mga stocks kan sardinas asin pantay na distribusyon kan mga benipisyo sa komunidad.
Kabali sa mga benipisyaryo na Bicol, Samar, asin Calabarzon Region.
Sigun ki Jumalin Barcellano, chief kan Fisheries Management, Regulatory and Enforcement Division kan Bureau of Fisheries and Aquatic Resources, an lakdang an sarong sistema na obhetong magkaigwa nin sustainability an sardine fishing industry.
An pighihiling soboot digde bako sanang sa presenteng panahon kundi tanganing masierto na dae mawawaran nin suplay kan sardinas.
Susog sa opisyal na data, an sardinas nagbibilog kan 15 percent kan marine fisheries sa Pilipinas kun saen igwang average yearly production na 333,743 metric tons.
Sa mga nakalihis na taon, huli sa commercial demand ini an nagin rason sa pig-aapod na overfishing na nagresulta man sa pagbaba kan populasyon kan local sardine.
Pigsaysay kan opisyal na an sardinas an pagkakan kan mga nagteteos, orog na kun igwang kalamidad o remalaso, an pagkaka na ini an marekas na ipreparar asin barato.
Tanganing maproteheran an industriya na ini, nangapudan an NSMP calls sa pagpapahigot kan polisiya siring kan striktong implementasyon kan pagha-harvest nin sira asin an pig-aapod na catch documentation asin traceability system.
An lakdang na ini an makakatabang tanganing masierto na an polisiya na nag-iiral an marhay para sa gabos.
Sa ngunyan, padagos an pagbibilog nin lakdang kan BFAR tanganing masierto na napoproteheran an sardine fishing industry sa Rehiyong Bikol asin sa bilog na nasyon.
