Inakusaran kan United Nations Commission of Inquiry an mga opisyal kan Israel nin genocide sa Gaza kabali si Prime Minister Benjamin Netanyahu, na saro soboot sa mga nagpuon kan mehewasang paggadan.
Katakod kaini, inapod man kan Israel na “scandalous” asin fake news an report, asin man sinabing gibo sana ini kan mga soboot “Hamas proxies”.
Susog kaya sa mga report, nagkaigwa soboot nin mga mahewasang panggagadan, malawakang pamamaslang, pagpapalayas, pa-ulang kan tabang kan mga ayuda, asin pagkarot kan mga pasilidad siring na sana kan fertility clinic — mga gibuhong pigbibilog kan apat sa limang basehan kan genocide alinsunod sa 1948 U.N. Genocide Convention.
Binanggit man sa report an mga pahayag ni Netanyahu asin iba pang opisyal komo ”direct evidence of genocidal intent,” kabali na an surat ni Netanyahu sa mga suldados na pigparehas an operasyon sa Gaza sa sarong “holy war of total annihilation” na susog soboot sa Biblia kan mga Hudyo.
Kaiba sa mga pinangaranan sa report sinda Israeli President Isaac Herzog asin dating Defense Minister Yoav Gallant.
Mientrastanto, tinutuligsa man kan International Court of Justice sa The Hague an Israel sa sarong suhay na genocide case na isinampa kan South Africa.
Susog sa Israel, depensa sana ini kontra sa pag-atake kan Hamas kan nakalihis na Oktubre 7, 2023, na ikinagadan kan 1,200 katao asin man 251 an bihag, basado sa datos kan nasyon.
Siringman nagpakol na sa 64,000 an naireport na nagadan sa Gaza, sigun sa Gaza Health Ministry, kasabay an mahewasang kagutuman sa nagkapirang parte kan rehiyon sigun sa global hunger monitors.
