Natatakot an mga Palestino sa Gaza sa posibleng epekto kan eleksyon sa Israel, huli ta an saindang pagdusa nahimo nang gamit sa kampanya sa politika, mantang padagos an krisis sa pagkakan, kakulangan sa tubig asin serbisyong medikal, pati na an pangangambang magbalik an mga pag-atake.
Susog sa report kan The Guardian, an mga kampo ni Benjamin Netanyahu asin Gadi Eisenkot, na parehong nanunuga na tapuson an pamamahala kan Hamas, dai pa nagpresentar nin malinaw na plano para sa kinabukasan kan Gaza.
Mantang an kampanya nakasentro sa seguridad asin kapangganahan kan Israel laban sa Hamas, limitado an pag-orolay manongod sa grabeng kamugtakan kan mga sibilyan sa Gaza, na kadaklan sainda napiritan na magdulag huli sa epekto kan halawig na gera.
Mientrastanto, pighahalat an saro pang krisis sa pagkakan makalihis na suspendido an mga commercial supplies sa lugar sa laog nin haros sarong semana. Segun sa mga residentes, naglangkaw pa an presyo kan harina kisa sa aid times, mientras na an humanitarian aid na nakakaabot sa mga familia padagos na nagkukulang.
Nangangamba an mga residentes na madagos pa an mga pag-atake asin pag-ebakwar, dawa pakatapos na kan eleksyon, huli ta dae pa daa nakapresentar nin malinaw na solusyon an mga candidato sa saindang kamugtakan.
