NAGA CITY– Nagpapadagos ngunian an ginigibong imbestigasyon kan mga otoridad katakod sa pagkakadiskobre kan mga pinaalang na dahon kan marijuana sa laog kan banyo kan sarong eskwelahan sa banwaan nin Baao, Camarines Sur.
Sa nagunong impormasyon kan Bombo Radyo Naga, napag araman na mantang naglilibot an security guard sa laog kan Baao National High School kan marisa kaini an nasambitan ng marijuana.
Napag araman na maabot sa 10 sachet kan pigtutubudang marijuana an nakua kan mga security guard sa laog kan nasambitan ng eskwelahan.
Sa ngunian, naiturn over na sa kapulisan an nasambitan ng mga nakumpiskang marijuana para sa maninigong disposisyon.
