Orog pang nagin maribok an imbestigasyon sa soboot flood control kickback scheme kan Department of Public Works and Highways (DPWH).
Sigun ki dating DPWH Engineer Brice Hernandez, igwang mga senador na imbwelto sa anomalya siring ninda Senator Jinggoy Estrada asin Senator Joel Villanueva.
An pahayag ni Hernandez an kabaliktaran sa nagin testimonya ni Curlee Discaya sa Senate Blue Ribbon Committee kasuudma, Setyembre 8, 2025.
Marurumduman kan haputon kaya si Senador Jinggoy Estrada kun igwang senador na imbwelto sangkot sa mga transaksyon, tahasang simbag ni Discaya na “mayo soboot”.
Makalihis an simbag ni Discaya, nagsuba pa si Committee Chairman Sen. Rodante Marcoleta ki Estrada na “Safe ka na,” na garo ikinaanggot kan Senador.
Pighurot ni Estrada na halion sa opisyal na record an nasambitan ng suba komo pagrespeto sa pormality kan pagdangog.
Katakod digde, sa pagdangog kan Kamara pigbuyagyag ni Brice Hernandez na mga pangaran kan nasambitan ng Senador.
Mientrastanto, maduon na pigpahimutikan ni Senador Jinggoy Estrada an nagin alegasyon ni dating Bulacan 1st district assistant engineer Brice Hernandez na imbwelto an senador sa maanomalyang flood control projects sa nasyon.
Sa ngunyan, nangapudan an mga lehislador nin mas mahewas na imbestigasyon tanganing matukoy kun igwang mga opisyal sa Senado na imbwelot sa soboot korapsyon sa DPWH.
