Naghagad an pirang sikat na tennis player sa kinaban ni dugang na premyo sa apat na Grand Slam tournaments.
Nangenot sinda Novak Djokovic, Jannik Sinner, Aryna Sabalenka asin Coco Gauff asin iba pang nagsurat sa mga organizers kan Grand Slam.
Sa surat kan nakalihis na Marso 21 na naghagad an nasambitan ng mga tennis star nin personal na pakikipag-diyalogo.
An mga sinuratan iyo sinda Craig Tiley kan Australian Open, Stephane Morel kan French Open, Sally Bolton kan Wimbledon asin Lew Sherr kan U.S. Open.
Pira sa mga pighagad ninda iyo an paglangkaw kan prize money na bastante sa porsyento kan mga kita sa torneo, dapat man na an parakawat an igwang importansiya sa desiyon na iyong nakakaapektar sa salud asin kamugtakan kan mga parakawat asin dapat an mga Grand Slam tournaments an magkaigwa nin financial contributions sa mga welfare program kan mga parakawat na pinondohan kan duwang pro tours.
