NAGA CITY- Aminado an mister sa panggagadan kaini sa saiyang misis sa Barangay Sua Canaman, Camarines Sur.
Sa entrevista kan Bombo Radyo Naga sa suspek na si Andres Marcaida, magpasiring suboot sa saindang harong an saiyang agom na si Mary France para kuta na kuanun an saindang duwang aki alagad duman na nagpuon an saindang mainitang iwal na napuli sa saiyang pananaksak.
Segun ki Marcaida, enot pa sana aram na niya na igwang ibang karelasyon an saiyang agom makalihis akuon kaini saiya.
Estorya kaini, nagtatrabaho sa ibang nasyon si Mary France asin nagpuli ini bakong para sainda alagad para sa karelasyon kaini.
Dugang pa kan suspek, dawa garo igwa nang nagpurbar na mag-awat saiya asin suriyaw, alagad garo mayo siyang nahihiling asin nadadangog kan mga panahong pigpaparasaksak niya an saiyang agom.
Sa ngonian, nagtitinir na sa kustodiya kan mga otoridad an nasambitan ng padre de pamilya.
