NAGA CITY- Padagos pa man giraray an pagpareparar kan mga barangay sa siyudad nin Naga sa epekto kan naeeksperyensiyahan na pag-uran.
An nasambitan ng lakdang an tanganing masierto na salbado an mga residente enkaso maglangkaw an tubig sa mga area na pigbabaha sa siyudad nin Naga.
Katakod kaini, an nasambitan ng paglilinig an pinangenotan kan kanya-kanyang Barangay Disaster Risk Reduction and Management Committee kun saen an saindang prayoridad an paglilinig sa mga drainage system sa bilog na Naga City.
Marurumduman, kan nakalihis na weekend, pigkondusir kan mga Barangay Disaster Risk Reduction and Management Committee kan Barangay San Felipe, Tinago, Dinaga, asin Bagumbayan Norte an Drainage Clearing Operations komo preparasyon sa tag-uran.
Pigtatawan importansiya sa lakdang na ini an kasalbaduhan kan mga tawo enkaso mas orog pang maglala an an epekto kan tag-uran basado naman sa mga dating eskperyensiya kan mga residente tuyong igwang pag-uran.
Sa ngunyan, pigsierto kan LGU-Naga na padagos an saindang inisyatiba taganing magin preparado sa pagbungkaras kan kalamidad.
