Huli sa salang disenyo asin tinipid an budget kaya nagbagsak an Cabagan-Sta Maria bridge sa Isabela.
Ini an nahihiling na rason ni Presidente Ferdinand Marcos Jr. matapos na personal na inspeksyunon an nagbagsak na tulay.
Sinaysay ni Presidente Marcos, an nasambitan ng proyekto an nagkakantidad nin P1.8 bilyon alagad binawasan ini tanganing makabarato alagad perwisyo man an naikawsa kaini.
Makalihis kaini, pigpakarhay asin ginibo an detail design alagad maluya nin huli ta dapat igwa nin suspension bridge tanganing nakasabit, alagad dae ini piglaogan asin kable sana an nagin suporta.
Kan enot na ginibo an tulay, nag-abot ini sa P900 milyong budget hasta sa magpakol nin P1.2 bilyon.
Huli ta sa puon pa sana kan konstruksyon, nanutaran na naghihiro asin maluya kaya kaipohang balikan asin i-refit.
Duon pa kan presidente, pigsunudan man kan contractor an plano asin by the book an pagkakagibo alagad sala an specifications kaini.
Nakadisenyo man soboot an tulay sa 44-tons alagad an duwang truck na nag-agi an labi sa 100 tonelada kaya dagusang nagbigay ang tulay.
Nilinaw man kan presidente na sa ngunyan papakarhayon muna ninda an problema asin dae mabasolan kun isay an dapat manimbag.
Sierto soboot na maaaraman kun isay an responsable sa pagbagsak kan tulay.
