Nakisumaro an Civil Aviation Authority of the Philippines (CAAP) sa pagdadalamhati sa pagkagadan ni Pope Francis.
Pigladawan kan CAAP si Pope Francis komo sarong mapagkumbabang pastol na mahabagin, igwang malasakit, pananampalataya, asin tapat na naglilingkod na nagin inspirasyon kan milyo-milyon.
Habambuhay na gigiromdomon kan CAAP an makasaysayang Apostolic Visit ni Pope Francis sa Pilipinas kan taong-2015, orog na an saiyang pag-abot sa Tacloban City kan nakalihis na Enero 17.
Sa ibong kan makusog na uran kaidto, pigpadagos ni Pope Francis an saiyang nakatalaang Homily sa grounds kan Tacloban Airport, kun saen ribu-ribong mananampalataya an naghalat nin igwang pag-asa sa saindang mga puso.
Kaibahan sa nagin parte kan makasaysayang aldaw na ito iyo si dating CAAP Director General Captain Manuel Antonio L. Tamayo, an pilot-in-command kan “Shepherd One” (Philippine Airlines Flight PR 8010) na nagpasiring sa Tacloban gikan sa Manila.
Sa ibong kan maraot na panahon, matrayumpong naihatod ni Captain Tamayo asin kan saiyang crew si Pope Francis sa Leyte antes pa maglala an bagyo – sarong biyahe na pig-apod na sarong huma asin sarong biyaya.
Liwat man kaining naipalupad pabweltada sa Roma an Santo Papa kan Enero 19, 2015. Sigun sa CAAP, an pamana ni Pope Francis an matinir na buhay sa saindang himpapawid, sa saindang mga puso, asin sa pananampalatayang binayaan kan santo Papa sa sambayanang Pilipino.
