Liwat na ipinahayag ni Remy Martin an saiyang pangarap na makapagkawat para sa Gilas.
Sinabi kan Pilipino-American guard na si Martin, na kakatawan sa Philippine-based Strong Group Athletics sa Jones Cup, na magigin katuparan kan saiyang pangarap an pagkakataong makapagkawat para sa Gilas Pilipinas.
Sa pakikipag- ulay sa mga reporter kan Biyernes, matapos an open practice kan SGA, sinabi kan 6-foot na guard na si Remy Martin na nagaasa siyang maisusulot niya an uniporme nin Gilas Pilipinas balang araw.
Segun ki Martin, pighihiling niya an sadiri niya bilang sarong parakawat na gustong irepresentar an saiyang nasyon. Naghahangad na sarong aldaw matawan nin pagkakataon kaiba si Gilas, huli ta iyan an magigin kaotoban kan sakuyang pangaturugan. Mas importante iyan saiya kisa sa pag-abot sa NBA.
Dugang pa kaini, puon kan aki pa ini nagpapanuod na ini ning Gilas asin pirming gusto mapasaro sa arog kaining entablado.Siring man, sarong dakulang hadlang para kay Martin an dae niya pagkua kan Philippine passport bago siya mag-16 taong gulang, na saro sa importanteng requirement kan FIBA.
Sa Pahayag niya, nag hahangad siyang mahiling kan nasyon asin kan FIBA na dual citizen na ini, dae lamang kaini nakua an passport. Dugang pa niya na kun dual citizen na ini bago mag 16, makusog an kaso ni ninda.Dagdag pa niya na kaipuhanm lang kaini na mag agi sa tamang tawo asin magkaigwa nin mga tawong matabang na itulak huli mayu mang dahilan kun hadaw dae siya dapat magsulot nin uniporme kan Gilas, kaining pangarap.
Saro pang pagkakataon para makapagkawat si Martin para sa Gilas ay sa Asian Games, kun saen Philippine passport lamang an kinakaipuhan.Dugang pa niya, kun matatawanan siya nin pagkakataon asin yaun saiya an desisyon, haloy na ining nagkakawat sa Pilipinas.
Sa ngunyan, kakatawanin muna ni Martin an Pilipinas sa Jones Cup, kung saen layunin kan SGA na makamit an ikatulong sunod na kampeonato sa torneo.Nasambit niya pa na magayun an koponan kaini, na yaun lang ini para ipahiling sa mga tawo na nagmamalasakit siya.An huring koponang nakapagkampeon nin tulong sunod na taon sa Jones Cup an Iran, na nagibo ini poon 2009 hasta 2011.
