Sa balyo kan makusog na uran, pirang grupo an nagtipon para sa sarong protest rally sa Kalaw Avenue sa Maynila, na nangangapudan na tanggihan an Pax Silica initiative kan Estados Unidos sa Capas, Tarlac.
Sa dikurso ni Bayan Chair Teddy Casiño kinondenar kaini an Estados Unidos huli umano sa paggamit kaini sa Pilipinas para sa produksyon nin mga sandatang nagagamit nin artificial intelligence (AI).
Suboot, Gagamiton an Pilipinas, bako lang bilang lunsaran nin giyera kaini igdi sa Asia-Pacific, kundi hub kan AI weapons manufacturing kaini igdi sa rehiyon.
Sinabi ni Casiño na sinasabing tuyuhon nin Pax Silica na tabangan an Pilipinas laban sa China, alagad ipinarehas niya ini sa pangako kan Estados Unidos kan 1898 na tatabangan an Pilipinas laban sa mga Kastila. Suboot, possibleng mag abot an panahon na magsabwatan an US asin China asin gamiton an Pilipinas para sa sadiri kaining interes.
Kinuwestiyon din kan mga grupo an tuyo kan mga AI hub asin kun siisay talaga an makikinabang kaini.
