Igwa nin dakulang epekto sa komunidad asin sa kapalibutan an planong ipatugdok na pax silica sa Pilipinas.
Sigon ki Mayor Jerold B. Peña, basado sa mga amigo kaining IT experts, kontra sa pax silica an mga ini huli sa maraot na epektong ihahatud kaini sa nasyon, huli sa grabeng enerhiyang makukunsumo kan Pax Silica asin ini an masirbing central system kan Artificial Intellegence sa bilog na kinaban.
Dakulang kahaputan kun tano ta dai ini ibubugtak sa ibang lugar o ibang nasyon kundi igdi mismo sa Pilipinas . Dagdag pa kan alkalde, magayon an programa alagad dapat na ipaliwanag kan gobyerno sa publiko kun ano an pinakakatuyuhan kaini asin dai basta-basta magdesisyon, aramon an mga posibleng epekto kaini sa komunidad asin sa bilog na nasyon.
Dagdag pa kan opisyal, kinakaipuhan kan Pax Silica nin milyones na galon ni tubig tanganing dai ini mag-overheat na kun sain an Pilipinas mimo nakakaeksperiencia nin kakulangan sa suplay nin tubig.
Dakulang kahaputan para sa alkalde kun ano an balik kaini huli ta an kwarta dai man makakan kan tawo kun karibay kaini an pagkaraot kan agrikultura sa bilog na nasyon na iyo an pinagkukuanan nin pagkakan kan lambang indibidwal asin dai pweding masapawan kan makabagong teknolohiya an agrikultura.
