Aram baya nindo mga ka-bombo, inimbitaran kan National Aeronautics and Space Administration (NASA) an publiko kana nakalihis na Valentine’s Day, Pebrero 14 na magpadara nin pangaran na ibabali sa biyahe pasiring bulan komo parte kan Artemis II mission.
Sa Valentine’s Day post kan space agency, pig-enkaminar ninda an publiko na irehistro an saindang mga pigpapadangat sa buhay tanganing maibali an saindang mga pangaran sa pambihirang lunar mission.
Pwedeng magparehistro sa paagi kan official website kan NASA.An mga isusumiter na pangaran an ibibugtak sa SD card lunad kan Orion spacecraft sa oras na mailunsar na an Artemis II ngunyan na taon.
An Artemis II an kaenot-enoting flight na igwang lunad na crew kabali an apat na astronauts pasiring sa bulan asin pabalik sa Earth.
Piglalaoman na ilulunsar an 10-day mission sa Abril sa Kennedy Space Center, Florida. Piglalaoman man na magigin makasaysayan ini komo kaenot-enoting pagbiyahe kan mga tawo lunad kan Space Launch System rocket asin Orion spacecraft.
An nasambitan ng flight an sarong panibagong lakdang para sa masunod na crewed missions sa surface kan bukan asin tanganing matabangan an NASA na makapagpreparar para sa astronaut missions pasiring Mars sa maabot na panahon.
