Signipikanteng naglangkaw an net worth ni VP Sara Duterte poon 2007 sagkod 2025, na nagdugang nin labi P91 milyon.
Base sa saiyang Statement of Assets, Liabilities and Net Worth (SALN), an idineklara niyang net worth umabot sa P98,656,131.20 kan 2025.
Kan enot siyang naglaog sa politika bilang Vice Mayor kan Davao City kan 2007, an saiyang net worth P7,250,497.00.
Pagkatapos kan saiyang enot na taon bilang vice mayor, ini nagdoble nin labi sa P18,493,616.65 kan 2008.
Kan 2012, kan nagserbi siya bilang Alkalde kan Davao City, an saiyang net worth naglangkaw sa P22,116,101.93.
Kan naglaog siya sa nasyunal na politika bilang Vice President kan Pilipinas kan 2022, an saiyang net worth P71,508,841.00.
Nagpadagos ini sa paglangkaw, na umabot sa P88,512,370.22 kan 2024 asin P98,656,131.20 kan 2025.
Sa kabilugan, an saiyang net worth nagkaigwa nin paglangkaw na P91,405,634.20 poon 2007 sagkod 2025.
