Ipinahayag ni Atty. Ruy Alberto Rondain, abogado ni dating Ako Bicol Party-list Rep. Zaldy Co, na nagpakol soboot sa P4.1 billion an net worth ni Co kan taong-2018, taon kun saen ini na-elehir sa House of Representatives.
Sigun ki Rondain, natipon ni Co an yaman antes pa maglaog sa Kongreso.
Alagad maski dae ipinahiling an 2019 Statement of Assets, Liabilities, and Net Worth (SALN), sinaysay kaining preparado ining magtao nin kopya kaini.
Dugang pa ni Rondain, sa presenteng SALN ni Co, pigkakarkulong naglangkaw sana ini nin P900 million, kaya nagpakol sa P5 billion an kabilogang yaman kan dating kongresista.
Marurumdumang na presenteng naghahampang sa imbestigasyon si Co makalihis ining maiimbwelto sa P289.5 million flood control project sa Naujan, Oriental Mindoro, na pinagtutubodang igwang kinaaraman sa mga “ghost projects” asin kickback schemes, basado sa mga pahayag ninda dating Department of Public Works and Highways Engineer Henry Alcantara, Brice Hernandez, asin Jaypee Mendoza.
