Photo ©web

Opisyal nang pig-ako ni Nicholas Kaufman an pagigin abogado ni dating Presidente Rodrigo Duterte sa kinakahampang na kasong crimes against humanity sa International Criminal Court (ICC).

Pigpirmahan ni Kaufman an Undertaking of Counsel kun saen nakasaad na gagampanan kaini an saiyang duty sa ICC na igwang integridad, kahigosan, karangalan, asin naaayon sa konsensiya.

Nakasaad man digde na saiyang irerespeto an professional secrecy asin iba pang duties na ipigtalaaan sa irarom kan Code of Professional Conduct for Counsel.

Enot nang pigtalaga kan dating Presidente si Kaufman kan nakalihis na Marso 14, 2025, an aldaw kun kasuarin ini naghampang sa Pre-Trial Chamber kan ICC.

Advertisement

Sa pagtatalaga kaini ki Kaufman, opisyal kaining pighagad an pagkaka-postpone kan hearing tangani sanang makapag-konsulta sa saiyang abogado, bagay na dae man tinugotan kan ICC.

Imbes, dinagis pa man an pagdangog asin nagsirbeng official legal counsel ni Duterte an sainyang dating Executive Secretary na si Atty. Salvador Medialdea..

Pinirmahan ni Kaufman an Acceptance of Appointment sa The Hague.

Advertisement