North Korea, nagsagibo nin bagong pagsubok sa Hypersonic Missile

Ipigreport na an North Korea nag-test-fire nin sarong intermediate-range missile sa irarom kan pagsugo ni North Korean President Kim Jong Un.

An missile piglansar kan Sabado hale sa sirangan na parte kan North Korea asin tinamaan an sarong target sa dagat, mga 1,000 kilometros an rayo.

Susog sa report, an test may katuyuhan na mag-ensayo nin mga suldados asin mag-test kan mga kakayahan kan hypersonic strategic weapon system kaini.

Sinabi ni Kim Yo Jong na an South Korea asin Japan nadepisilan sa pagsubaybay kan missile huli sa pambihirang agihan kan paglayog kaini.

Mientrastanto, sinabi kan militar kan South Korea na nabisto na ninda an ballistic missile asin pigkakarkulong naglupad ini nin labi sa 700 kilometros pasiring sa East Sea.