Pigtawan-duon kan National Security Council (NSC) na an mga lakdang kan Pilipinas sa West Philippine Sea (WPS) na dae dapat ikonsiderar na huma sa katoninongan asin seguridad kan rehiyon.
Ini an kasunod kan angat kan China na igwang “consequences” soboot an mga lakdang kan Pilipinas sa WPS.
Sigun ki National Security Adviser Eduardo Año, an Pilipinas an dae imbwelto sa pananakot, pangha-harass, o agresyon sa kadagatan.
Imbes, pigpapahiling kan hukbong-dagat kan Pilipinas, coast guard asin Bureau of Fisheries and Aquatic Resources (BFAR) an mahinahon alagad matatag na pagtindog para sa derechos kan Pilipinas asin hurot na bako an nasyon an nambubully.
Naunambitan man kan opisyal an sarong survey na nagpapahiling na 76% kan mga Pilipino an nagsusuporta sa pagtatanggol kan karapatang pandagat kan nasyon sa WPS, 85% an mayong tiwala sa China, asin 74% an pigkokonsiderar an Beijing komo pinakadakulang huma sa Pilipinas huli sa agresibong hiro kaini sa WPS asin mga isyung criminal na kinai-imbweltuhan kan nagkapirang Chinese nationasl.
Hurot ni Año, matinir na matatag an gobyerno sa pagtatanggol sa soberanya kan Pilipinas basado sa international law siring kan United Nations Convention on the Law of the Sea (UNCLOS) asin sa Philippine Maritime Zones Act na nagtutukoy sa mga boundaries kan Pilipinas sa kadagatan.
Padagos man soboot an pagpapakusog kan depensa asin maritime capabilities kan nasyon, pati na an mga alyansa sa mga kaalyadong nasyon.
Nilinaw man ni Año na an mga joint patrols asin military exercises, siring kan kasuarin sanang Exercise ALON 2025, an parte kan regular na kooperasyon sa mga kaalyado tanganing siertuhon an Kalayaan asin kaayusan sa Indo-Pacific.
Sa huri, ipinunto kan NSC na malinaw an boses kan sambayanan na an pagtatanggol sa West Philippine Sea an bako sanang polisiya kan gobyerno kundi ini an pambansang obheto.
