Pinagsugo ngunyan kan National Telecommunications Commission (NTC) an gabos nin Public Telecommunications Entities (PTEs) asin Internet Service Providers na siertuhon an dagos-dagos asin man matatag na internet connectivity sa bilog na nasyon para sa nararani na 2025 midterm elections.
Alinsunod na man ini sa direktiba ni Presidente Ferdinand Marcos Jr. na siguraduhon an pagpapakarhay asin matuninong na pagsasagibo kan halalan sa Mayo 12, 2025.
Sa iniluwas na Memorandum Order, pinapasiguro kan NTC sa mga ini na matatapos antes man an Mayo 3 an gabos kan network installation, pagkukumpuni, asin maintenance works.
Mantang an gabos nin mahewasang network repairs asin maintenance magpuon Mayo 5 hasta 14, 2025 an dapat muna na ipauktaba.
Sinaysay man ni Department of Information and Communications Technology (DICT) Secretary Henry Aguda na makakalaom an publiko na an digital infrastructure na may koneksyon sa May 12, 2025 Elections an tunay na nagpapahiling sa integridad na nilalaoman sa sa mga democratic institutions.
