Liwat na nairehistro kan Japan an pinakahababa kaining record kan taong 2024 para sa mga bagong mundag na omboy.
An nasambitan ng record an ika 9 na taon ng sunod-sunod na nairerehistro huli ta an mga joven sa nasyon an delay an saindang pag-agom mantang an populasyon kan mga gurang an naglalangkaw.
An nasambitan ng numero an nagpapahiling sa dakulaon na problema na kinakahampang kan pang-apat sa pinakadakulang ekonomiya sa kinaban kun saen an saindang workforce an orog na naglulubog huli ta haros kan saindang mga obrero an may edad na.
Kan taong 2024 nagpakol sa 720,988 na mga omboy an ipinangaki sa Japan kabali na an foreign nationals. Ini an nagbaba nin nasa 5% gikan sa 758,631 kan 2023 sigun sa preliminary health ministry data.
An numero na ini an pinakahababa sa historya kan nasyon puon kan puonan kan gobierno nin Japan an saindang pag-track kan data kan taong 1899.
Mantang an nagagadan man na mga residentes sa lugar an doble pa kumparar sa mga ipinapangaki na nag-abot sa 1.8 percent puon 2023 hasta 1.62 million.
An kabilugang populasyon kan Japan sa presenteng bulan an nagpapakol sa 123.54 million kun saen ini an nagbaba nin 0.46 percent kumparar kan nakalihis na taon.
Huli kaini, pigsaysay man ni Japanese Prime Minister Shigeru Ishiba na an pagpapalangkaw sa pupulasyon an saiyang prayoridad sa presente.
