Nakapagrehistro an Philippine Statistics Authority (PSA) nin pagbaba kan numero kan mga jovenes na parasisira sa nasyon.
Segun sa 2022 Census of Agriculture and Fisheries kan PSA, ini soboot nagpapahiling sana nin mas mahewas na mga socio-economic na trend sa nasyon. Magpuon kaya kan 2022 nagbaba sa 1.03 gikan sa 1.05 an numero kan mga nagtitinir na parasira kan 2012.
Kun saen padikit dikit naman na naglilihis nin landas an mga kaakian na nag hahanap nin alternatibong kabuhayan na nagkakawsa nin pagbabago sa demographic profile kan sektor.
Nagkapira pa sa mga tinukoy na posibleng rason kan pagbabago ay ang mga halimbawa nin kadakol na jovenes na Pilipino an piniling mag-adal muna o mas pinili an mas halangkaw na kita siring kan paglaog sa mga retail, manufacturing, asin services.
Saro pa sa mga nahihiling na rason man an kakulangan nin experience kan mga ini ngunyan sa pagsisira na kun saen naireport sa rehiyon kan Zamboanga Peninsula asin Caraga an paglangkaw kan datos kan nasa edad 50 pataas an nagpapahiling nin dakulang kaaraman sa pagsisira kun saen naglangkaw ini nin 36.4 percent.
Bagaman dae pa nahihiling an epekto kaini sa sektor kan pagsisira ay pwede naman ining makaapektar sa produksyon kan sira asin kabuhayan kan mga komunidad na nagaasa na sana sa pagsisira.
Enkaso na magpapadagos an trend na ini, pwedeng inkaminaron kan gobyerno asin mga stakeholder sa industriya an paggibo nin mga bagong polisiya tangani na maakit an mga jovenes pabalik, posible kaya na sa paagi kan modernisasyon, mas mararahay na kondisyon nin trabaho, o pagpapahewas nin mga klase kan trabahong may koneksyon sa pagsisira an mahikayat sa mga ini na pilion an trabahong ito.
