Naglobo pa sa 20 an numero kan mga binawian nin buhay huli sa panlalamas kan nakaaging bagyong Enteng sa nasyon.
Ini an basadao sa datos na iniluwas kan National Disaster Risk Reduction and Management Council (NDRRMC) kan Sabado kun saen nadugangan ini nin 4 gikan sa nairehistrong 16 kataong nagadan kan Biyernes.
Apwera digdi, padagos pa man na pinaghahanap an 26 na indibidwal na napaireport na nawawara mantang 18 katawo na an naikurit na nalugadan.
Sa presenten, apektado pa man an labi 2.3 milyong indibidwal o katampad kan labi 600,000 pamilya. Sa mga nadanyaran na kaharongan, nagpakol na ini sa 7,046 na naikurit sa Ilocos Region, Central Luzon, Bicol Region, Western Visayas, Central Visayas, Eastern Visayas, Calabarzon, asin Cordillera Administrative Region.
Mientrastanto, nagpakol na man sa labi P600 million an wilanalat na dantos sa pareho sa sektor kan agrikultura asin imprastruktura kan nasambitan ng bagyo.
