Areglado asin matoninong an an bilog na pag-obserbar kan Holy Week Exodus base sa pag-assess kan Philippine National Police (PNP) ngunyan na taon.
Segun sa PNP Chief PGen. Jose Melencio Nartatez Jr., mayu nin mga major incidents na nakaapektar sa bilog na pag-obserbar kan kwaresma.
Sinabi kaini na an prayoridad kan pulis iyo an ligtas na pagbalik kan mga biyahero makalihis an onseng semanang paglagaw-lagaw.
Katakod kaini, pig-anunsyo ni Nartatez na bilang demonstrasyon kan saindang commitment sa safety and order, haros 98,000 na mga miyembro kan PNP an magdadanay na naka-deploy sa manlaen-laen na lugar.
Ini pigdeploy sa manlaen-laen na tourist attractions sa nasyon, mga transportation hub asin magin sa mga mayor na tinampo.
Makalihis ini, liwat na nagpagirumdom an hepe sa mga motorista na magtinir na kalmado sa saindang mga biyahe asin likayan an paglakop kan mga insidenteng road rage.
Mientrastanto, mantenidong naka-high alert an Philippine National Police para masierto na magin malinaw asin matoninong an byahe kan mga motorista asin ligtas na makauli an mga ini.
