Pig-enkaminar kan Office of the Civil Defense (OCD) an mga evacuees sa Negros Island na magtinir muna sa evacuation centers sa Christmas holidays huli sa padagos na abnormalidad kan bulkang Kanlaon.
Sa sarong statement, nangapudan si OCD Administrator USec. Ariel Nepomuceno sa mga residente sa laog kan extended 6 km. radius permanent danger zone kan bulkang kanlaon na magtinir muna sa mga evacuation center asin dae na muna magbweltada sa saindang mga harong huli ta an pagsierto kan saindang kasalbaduhan an pangenot na obheto kaini.
Kaining nakalihis na banggi nin martes, nakumpeto an pag-ebakwar kan labi 6,000 residentes gikan sa 5 barangay sa laog kan 6km permanent danger zone sa palibot kan bulkan.
Pigtawan-duon man kan opisyal an importansiya kan pagprayoridad sa kasalbaduhan kan mga residentes mantang nagtitinir an mga aktibidad kan bulkan.
Nag-apelar man si Nepomuceno sa kooperasyon kan mag residentes asin nag taong abiso sa posibleng peligro kun porbaran na magbwelta sa saindang mga harong sa tahaw kan padagos na aktibidad kan bulkan.
Soboot, sa oras na posibleng magsabog an bulkang kanlaon, mayong gigibuhon na pagsalbar sa mga nasa laog kan permanent danger zone kaya importante soboot an pakikipagtabangan kan mga residentes.
