Nagpatanid an Office of the Ombudsman sa mga opisyal kan gobyerno manungod sa paggamit nin alokasyon nin gasolina na para sa mga sasakyan kan gobyerno alagad ginagamit sa saindang sadiring behikulo.
Segun ki Ombudsman Jesus ‘Boying’ Remulla, an siring na mga gibo-gibo nakakaraot sa imahe kan gobyerno.
Dai suboot babaliwalaon kan ahensya an mga arog kaining aktibidad arog kan pagkuha nin gasolina sa paagi nin siphoning, pagpakarga nin gasolina sa mga sasakyan na bakong pagsasadiri kan gobyerno, asin an pagpeke nin mga resibo.
An siisay man na opisyal kan gobyerno na mapatunayan na nagkasala sa arog kaining mga gibo-gibo an makakaatubang nin grabeng kapadusahan.
Ipinahayag ini ni Remulla matapos an pagkakadismis ni Bohol provincial board member Vierna Mae Boniel-Maglasang huli sa duwang kaso nin serious dishonesty.
