Aram baya nindo mga ka-bombo, sarong 81-anyos na babae an nakilhag makalihis na mahiling sa gamit kan saiyang Ina an sarong overdue na libro. Susog sa report, an libro an pigsubli kan saiyang Lolo haros 99 taon na an nakakalihis.
Sigun ki Mary Cooper, residente kan Berkeley Township, mantang nagpapakarhay ini kan gamit kan saiyang Ina kan mahiling an sarong box na igwang laog na mga items.
Digde na soboot kaini nahiling an libro na igwang titulo na Home-Made Toys for Girls and Boys na surat ni Neely Hall.
Ini an pigsubli sa Ocean County Library kan Marso 1926.Tolos man na pigbalik ni Cooper an nasambitan ng libro sa Ocean County Library.
Labi man an kaogmahan kan pamayuhan kan library huli ta an liwat na pagbwelta kan libro an nataon pa na an saindang lado an nagseselebrar nin 100th anniversary ngunyan na taon.
Pigsaysay man kan Librarians na an saindang pasilidad an dae na nagpapataw nin late fees, alagad kun susumahon mapakol sa $18,000 an late fees na babayadan kuta hulita nag-abot ini nin nasa 99 taon.
Sa ngunyan, an libro an igwa nang permanenteng istaran sa sarong glass display case sa Ocean County Library’s branch sa Toms River.
