Aram baya nindo mga ka-bombo, pigheras kan North Dakota library na an kopya kan Rebecca kan author na si Daphne du Maurier an liwat na naibalik makalihis an 51 taon.
Sigun sa Enderlin Municipal Library sa saindang social media na an libro an nag-abot sa saindang pasilidad sa paagi kan media mail package na mayong return address.
Pigsaysay man kan librarian na iyong nakahiling sa item na saindang napag-araman na an libro an pigsubli haros 51 taon na puon kan Oct. 6, 1973.
Kun bibilangon soboot an eksaktong aldaw kan overdue kan libro ini an mapakol sa 18,783 days asin kun ma-charged kan standard na 10 centavos kada aldaw igwa nang kabilugan na bayadan na $1,878.30
Katakod kaini, antes pa na makabalik an libro napagdesisyunan na kan board kan nasambitan ng library na dae na magpataw pa nin bayad sa mga na-overdue na libro.
Mientrastanto, apwera sa libro igwa man pinadara pa na nagkakatendad sa $20 komo kabayadan sa late fees para sa overdue na libro.
Alagad sigun sa librarian, problema naman kaini kun pano maibabalik an nasambitan ng kantedad sa tawong dae naman nagpabisto.
