Pigkwestyon ni Deputy Speaker Paolo Ortega V an suboot kawaran nin paninimbagan kan nagkapirang opisyales kan Office of the Vice President (OVP) dapit sa paggamit kan confidential funds.
Segun ki Ortega, nakakahadit an pahayag kan mga opisyales kan OVP na dae ninda aram o dae na ninda nagigiromdoman an mga importanteng detalye manungod sa paggamit kan pondo.
Si dating OVP special disbursing officer na si Gina Acosta asin Assistant Secretary Lemuel Ortonio parehong pigdeklarang hostile witnesses sa impeachment proceedings. Parehong nagsabi na mayo sindang supisyenteng kaaraman sa aktuwal na paggamit kan confidential funds asin nagtitiwala sinda ki Bise Presidente Sara Duterte asin sa security chief kaini na si Col. Raymund Dante Lachica.
Nanindugan si Ortega na may responsibilidad an mga empleyado kan gobyerno na imanehar asin bantayan nin tama an paggamit kan pondo kan publiko.
