Aram baya nindo mga ka-Bombo, huli sa huma kan dengue, nag-alok an pamayohan kan sarong barangay sa Mandaluyong City na babayadan nin P1 an kada namok na dadarahon sa sainda–buhay man o gadan.
Sinabing an Barangay Addition Hills an magtatao nin pabuya para sa mga madadakop o magagadan na namok asin magin an mga kitikiti.
Igwa man nin pigtagama na aquarium na lalaogan kan mga namok asin kitikiti na dadarahon sa sainda.
Sigun sa barangay chairman, naglangkaw man an kaso kan dengue sa sainda puon kan maglaog an 2025. Mapuon an reward system kan barangay sa Biyernes, Pebrero 21.
Kasuarin sana, nagdeklara nin dengue outbreak an Quezon City huli sa halanglaw na kaso ninda kan dengue.
Sigun ki Department of Health (DOH) spokesperson Assistant Secretary Albert Domingo, piglalaoman ninda na walong lugar pa gikan sa Metro Manila, Central Luzon, asin Calabarzon an posibleng magdeklara nin dengue outbreak.
