Plano kan Land Transportation Franchising and Regulatory Board (LTFRB) na obligaron an gabos nin public utility vehicle (PUV) drivers asin conductors na mag sairarom sa duwang aldaw na retraining para sa pag-renew nin prangkisa.
Kaiba digde an psychological profiling, edukasyon sa road safety, asin man first-aid training na nagkakantidad nin hasta P2,000 kada participant.
Mientrastanto, pigdepensaran man kan opisyal an nasambitan ng singil. Para soboot sainda, an kantidad an pogkokonsiderar na rasonable. Diit na presyo kumparar soboot sa buhay na posibleng mawara sa oras nin aksidente sa tinampo.
Sigun ki LTFRB Chairman Teofilo Guadiz, obheto kan programa na bawasan an mga aksidente asin insidente nin road rage sa paagi kan pagsuri sa mental asin emosyonal na kasimbagan kan mga driver sa tensyonadong sitwasyon gamit an simulation tests.
Pig inkaminar man an transport operators asin cooperatives na magtugdok nin sadiring driver academies tangani mabawasan an gastos.
Enot nang ipapa-utob an programa sa mga bus asin truck drivers sa Metro Manila asin man padikit-dikit pahihiwason sa bilog man na nasyon sa laog kan tulong taon.
