Makakaresiber nin parte an Pilipinas gikan sa $55 milyon (₱3.2 bilyon) na pondo kan Estados Unidos para sa seguridad sa dagat sa Indo-Pacific, sigun sa US Department of State kan nakalihis na Huwebes.
Obheto kan nasambitan ng pondo na pakusugon an kakayahan kan mga nasyon, kabali an Pilipinas, Vietnam, Indonesia, Malaysia, Pacific Islands, asin iba pang South Asian nations, sa pagpapautob nin ley kontra sa iligal na aktibidad sa dagat, siring na sana kan illegal fishing asin trafficking.
Inanunsyar an pondo sa ministerial meeting sa New York na isinabay sa UN General Assembly.
Nangapudan si Foreign Affairs Secretary Ma. Theresa Lazaro sa mga nasyon na igalang an international law, mantang kinondenar man ni US Secretary of State Marco Rubio an “expansive and unlawful maritime claims” kan China sa South China Sea.
Pighurot man ni Rubio an mas matibay na kooperasyon tangani protehiran an kalayaan sa paglalayag asin kalakalan.
Nag atendir an 40 nasyon sa pag uulay na co-hosted kan US, Pilipinas, Australia, Estonia, Greece, Japan, Netherlands, Romania, asin UK
