Pig-ako kan Philippine Statistics Authority (PSA) na kulang an kantidad na P63.87 budget sa pagkakan kan sarong tawo sa kada aldaw.
Ini an sigun ki PSA head Claire Dennis Mapa an kawsa kun tano bubusision nindang marhay an methodology para sa pagkalkula sa poverty asin food thresholds sa masunod na taon.
Sa record kan PSA, an food threshold kan sarong pamilya na igwa nin lima katawo an naglangkaw na sa 14.7 percent o nasa P9,581 kada bulan kan nakalihis na taon o haros P64 kada sarong tawo sa sarong aldaw na pagkakan pero mas halangkaw man ini sa P8,353 kada bulan kan 2021.
Siringman, sinaysay ni Mapa na an sarong tawo an dae maikokonsiderang kulang sa pagkakan o food poor kun ini an i gwa nin budget na labi P63.87 kada aldaw o P21.30 kada meal.
Sa national level, ini an nangangahulugan na an pamahawan nin sarong scrambled egg, kape asin maluto mantang sa pangudtohan an sarong mangkok kan munggo na igwa nin dahon kan malunggay, pritong dilis, sarong batag asin maluto asin sa hapunan an pritong sira o piglagang orig na igwa nin maluto asin sa meryenda an pandesal.
