Nagtao nin kasiguraduhan si House Speaker Faustino “Bojie” Dy III, na an P7.2-trilyong pambansang badyet para sa 2027, masusuri nin marhay asin magigin transparent para sa kapakanan kan mga Pilipino.
Idinugang niya na an lambang sentimo dapat gamiton nin tama asin malinaw, na nakapokus sa mga programa na direktang makakabenepisyo sa banwaan.
An Kamara de Representantes, masusing susuriin an mga kahagadan na pondo kan lambang ahensya.
Ini tanganing masiguro na an pondo mapupunta sa mga programa na direktang makakatabang sa mga Pilipino, siring kan sinabi ni Speaker Dy: “Ang Kongreso ngayon ay pinagsisikapan namin na talagang maging maayos, maging transparent ang bawat pagtatalakay ng bawat budget ng mga iba’t ibang mga departments.”
Mahalaga an transparency sa pag-urulay kan badyet tanganing maaraman kun sain gagastuson an pondo kan banwaan asin an magigin resulta kaini sa mga komunidad.
Dapat igwa nin malinaw na epekto sa kabuhayan asin kalidad nin buhay kan mga pamilya an lambang pondong ilalaan sa mga proyekto.
Nakumpleto na kan House Committee on Appropriations an pagdinig sa mga ahensya para sa panukalang 2027 budget, kun sain hinagad sa mga departamento na ipaliwanag an saindang mga kahagadan na pondo.
