Pigkakarkulong nasa P708,000 an kantidad nin high grade na marijuana o kush an nakumpiskar kan Bureau of Customs (BOC) sa sarong pantalan sa Clark, Pampanga.
Segun sa BOC, pigdeklarar na vintage pants asin maong an mga gamit sa kahon kan mag-agi ini sa x-ray machine kun sain may nahiling suboot na mga abnormal na korte hali sa mga ini.
Tulos na binuksan kan mga awtoridad an package asin nakua an naabot sa 472 grams nin marijuana.
Marikas man na nakipag-koordinar an ahensya sa Philippine Drug Enforcement Agency (PDEA), Philippine National Police – Aviation Security Group, National Bureau of Investigation Pampanga District Office, Department of Justice, asin mga opisyales kan Barangay Dau sa syudad nin Mabalacat tangani na aksyonan tulos an insidente.
Mientrastanto, tulos na nagpaluwas nin mandamiento an BOC para sa seize and detain sa shipment an BOC makalihis na magluwas an resulta kan mga sample na ipinadara kan ahensya sa PDEA.
