Posibleng utang na nagpakol sa P8 million asin personal na alitan an nag udyok sa pagadan sa political vlogger na si Alicia Lipata, o mas bisto komo “Mima Alicia.”
Segun sa Philippine National Police (PNP) Chief General Jose Melencio Nartatez Jr., nagluluwas sa imbestigasyon na may personal na dae pagkaka intindihan si Lipata asin an mga suboot mastermind kan krimen na nagpuon sa sarong P8 Million na utang.
Tigbibisto na suboot kan mga naarestong suspek an mga sinasabing mastermind.
Segun sa PNP, nilinaw kan PNP na kung may iba pang motibo sa pagadan, tanging an mga mastermind sana an makapagtatao nin bilog na paliwanag.
Ikinagadan ni Lipata an pambabadil kan mga lalaking sakay kan motorsiklo sa luwas kan saiyang harong sa Caloocan City kan Hulyo 17. Irido naman alagad nakasalbar an saiyang live-in partner na kaiba kaini sa insidente.
Naaresto kan pulisya an gunman asin rider sa isinagibong operasyon sa Mabalacat, Pampanga kan Hulyo 23, kun sain nasamsam man an mga badil asin granada.
