Pormal nang nanumpa si dating Senador Manny Pacquiao bilang bagong sekretaryo asin lead convenor kan National Anti-Poverty Commission.
Pinanginotan ni Presidente Ferdinand Marcos Jr. an panunumpa sa katungdan kan dating eight-division world champion.
Sinaksihan man ni Cabinet Secretary Benhur Abalos an nasabing panunumpa ni Pacquiao.
Sasalidahan ni Pacquiao si dating Sekretaryo Lope Santos III.
Segun sa Palasyo, tiwala an presidente sa pamamayo ni Pacquiao tanganing paigtingon an paglaban sa pagtios, itulod an repormang panlipunan, asin idulok an mga programa asin serbisyo sa mga komunidad sa bilog na nasyon.
Si Pacquiao nagin senador poon 2016 sagkod 2022 asin nagin miyembro kan House of Representatives poon 2010 sagkod 2016.
Nagdalagan ini sa pagka presidente kan 2022 kun sain nakalaban niya si Presidente Marcos.
